“Terandalken”. Kejadin 39 : 21 – 23. Suplemen PJJ GBKP.

Suplemen PJJ GBKP. Pekanbaru. Tgl. 09 – 15 Nop 2014.

Ogen : Kejadin 39 : 21 – 23
Tema : “Terandalken”

Syalom.
Gereja enggo i pajekken Yesus Kristus i tengah – tenga doni. Emaka ibas memelihara, memerintah, ras guna mengembangken gerejaNa, Kristus makeken ras ndilo kita selaku anak – anakNa guna jadi pelayan i tengah – tengah gerejaNa. GerejaNa idilo guna ersaksi, ersekutu ras ngelakoken pelayanen i tengah – tengah doni, guna sie kerina kita me si mengemban tugas e, ibas erti kata Tuhan “Mengandalken” dirinta selaku kalak si enggo ipilihNa guna erdahin ibas kebun anggurNa, alu bage maka la banci lang maka kita patut ngataken bujur man Tuhan ibas keterpilihenta ras tentu saja ibas dirinta pe arus memiliki pribadi si mehuli dingen”Terandalken” ibas kai pe.

Rikutken tema ras bahan oraten PJJ-nta sekali enda kita erlajar uga banci kita mengembangken dirinta sebage kalak si banci iandalken. Emaka mari sibangun karakterta (Character Building) si mehuli ibas dirinta arah PJJ-nta sekali enda, arah kita erlajar arah pribadi Jusuf sekalak si tuhu – tuhu ngelakoken yang terbaik ibas kerina kegeluhenna. Lit pe sibanci si pelajari arah kegeluhen Jusuf :

• Jusuf sekalak anak kesayangan ibas 11 kalak seninana nari, tentu jadi anak kesayangen e pe enggo tentu lit nilai plus ibas dirina seh maka bapan Jakup tuhu – tuhu engkelengi ia seh maka kerina perlakun si ibereken man bana berbeda asangken kerina seninana.

• Jusuf mengalami perlakuan si la mehuli erkiteken litna kecemburuan ibas diri senina – seninana, ras tentu wajar kel sie sebab memang biasana kelebihen sekalak sekalak jelma pasti mereken kecemburuan man kalak si pang berani mengakui keunggulan sesekalak jelma ras la nggit mengakui kelemahenna. Tapi amin bage gia maka Jusuf tetap jadi sada pribadi simehuli gia lit ukur senina – seninana ilat man bana.

• Ibas kecemburuan senina – seninana Jusuf dungna ndatken perbahanen si la pernah ibayangkenna jadi, itamaken kubas sumur, jenari idayaken ku kalak Mesir ras ikataken maka enggo mate. Tapi ibas kerina rencana jahat seninana maka Tuhan nampati Jusuf. Kenca ia idayaken man kalak Mesir, dirina la reh terpurukna tapi reh sikapna, sebab sekalak bayak si igelari Potifar njadiken Jusuf “Orang Kepercayaan” singaturken kerina rumah ras perbendaharan Potifar. Jadi sekalak “Orang Kepercayaan” tentu saja labo hal simenukah alu bage banci sikataken maka Jusuf pe kidekah erdahin i rumah Potifar tetap ngelakoken simehuli ras terteki ras bujur ibas kai pe, alu bage banci si kataken maka Jusuf ibas setiap ndahiken dahinna la bercacat cela.

• Pribadi Jusuf si mehuli ras keuletenna erbahanca ndehara Potifar tertarik man bana seh maka ndehara Potifar menggoda Jususf alu ngajak selingkuh, tapi Jusuf tetap lulus ibas ujian. Ndehara bossna simengajak guna selingkuh itulakna erkiteken memang ia sekalak si sangat menjaga kesucian dirina, akibat penolaken e maka ndehara bossna Potifar erbahan cerita palsu seh maka dungna Jusuf i tamaken kubas penjara.

• Kegeluhenna ibas penjara (kiniseraan) erbahanca dirina reh ulina, ertina rencana Dibata kubas kegeluhenna semakin jelas ibas Dibata makeken ia. Ibas penjara Jususf ibereken Dibata kebeluhen (Keahlian) guna banci menafsirken nipi raja Firaun. Janah kenca ia menafsirken erti nipi raja maka kegeluhenna reh ulina ija Jusuf iangkat jadi Perdana Mentri eme jabatan tertinggi ke dua i Mesir. Alu bage kebeluhenna erbahanca ia mengalami perubahan status orang terpenjara jadi orang istana.

• Kenca menikmati kegeluhen si emwah ibas istana. Keluargana ndatken kiniseran ibas bahahaya kelihen. Senina – seninana reh ku Mesir guna nukur gandum, sebab ibas paksa sie i Mesir nari ngenca tersedia kebutuhen pangan erkiteken management Jususf si mehuli ibas ngaturken kerina hasil pertanian kalak Mesir. Senina – senina Jusuf la nandai Jususf tapi Jususf nandai kerina senina – seninana e, tapi erkiteken pribadi Jususf si mehuli maka sitik kel pe lalit ukurna guna balas dendam man senina – seninana, tapi tetap encidahken perbahanen si sulit si ilakoken manusia ibas umumna eme nampati ras memafken kerina perbahanen senina – seninana, dingen ngataken man senina – senina kerna identitasna, ertina Jusuf la makeken kuasa si lit ibas ia guna menghukum, tapi makekenca guna kiniulin alu nampati keluargana. Sada pribadi si hebat erkiteken ia labo sekalak Power Syndrom.

• Sikap “Memaafken” ibas diri Jusuf epe sada pribadi si jadi andalenna, ertina Jusuf lebih berwawasen luas ija ia memamafken kerina kesalahen senina – seninana, alu bage pribadi Jusuf eme sada pribadi si menukah memaafken, ertina Jusuf menolak pandangen si berfokus kubas perbahanen si salah ibas senina – seninana tapi ia lebih ngenehen kubas sudut pandang si lebih luas ibas ia ngidah keterbatasen dirina dingen mereken Dibata erdahin ibas dirina.

Bageme pribadi Jususf ibas kerina kegeluhenna si erbahanca ia jadi sekalak si mbelin alu karakter ras pribadina simehuli :

• Memiliki nilai plus ibas pribadi si mehuli sebab ia sekalak si berprinsip.
• Menjadi orang kepercayaan sebab terteki ras bujur ibas kai pe.
• Njagai kebadian nggeluh.
• Litna kebeluhen/keahlian sierguna man jelma sienterem.
• Berwawasen luas dingen la fokus nandangi masalah masa lalu tapi fokus kubas masa depan ibas penegu – negu Tuhan.
• La makeken kuasa si lit ibas ia guna kepentingen dirina.

Gerejanta GBKP genduari ibas pelayanenna reh dekahna reh belinna ibas sie tentu reh belinna me tanggung jawab si arus i embanna, guna sie la banci lang, kita harus lebih memiliki pribadi si banci iandalken ibas kai pe, gelah alu bage reh buena kalak si banci ngidah kemajun gerejanta terlebih – lebih kerina perpulungenta, emaka perlu kel dage sibenahi dirinta, adi lit denga ibas dirinta si lenga mehuli sibenahi e alu sura – sura gelah Tuhan ermulia ibas kegeluhenta, dingen seh kel ulina adi pribadinta pe bagi Jusuf. Tetap setia gia melala tantangen ibas proses menuju keberhasilenna sebagai pribadi si handal, gia labo alu cara si sederhana ras melala percubaan siman hadapen tapi ia tetap setia ibas ketaatenna man Tuhan. Ibas perdalanen kegeluhenta pe banci jadi melala tantangen ras latihen si arus silewati guna mencapai sada pribadi si sempurna, tapi yakinken dirinta maka ibas penemani Tuhan kita pasti berhasil.

Dage ibas kita nehken panggilen ibas tugas ras tanggung jawabta selaku warga gereja, mari erlumba kita menuju pribadi silebih erkwalitas, dingen ula sekali kel pe kita memiliki “kwalitas rendahan” ras selamat man banta jadi kalak si banci iandalken ibas kai pe.

Amin.
Pekanbaru Jumat 07 Nop 2014.

Salam ras sentabi man banta. Tulisen enda sifatna hanya Suplemen. Bimbingen si baku, tetap si ipedarat Moderamen GBKP si isikapken PPWG GBKP. Bjr.