Suplemen PA – Mamre 30 Agts – 05 Sept 2015. “Bertanggungjawab Dalam Pelayanan” I Kor 15 : 58, Kolose 3 : 12 – 17.

Suplemen PA – Mamre 30 Agts – 05 Sept 2015.

Shalom.
Kalau kita belajar dari prinsip AKAR maka ada banyak hal yang kita dapati, yang dapat mengembangkan pelayanan yang kita lakukan di gereja kita. Seperti kita ketahui akar adalah tonggak utama sebuah pohon meski tak terlihat, dia juga tidak akan menonjolkan dirinya, demikianlah akar tidak pernah mendapatkan Pujian sekalipun dia terus bekerja dan mengabdikan diri demi batang, daun, bunga dan buah.

Kebenarannya AKAR adalah pokok kehidupan dari sebuah pohon, tanpanya maka tidak akan ada batang yang kokoh, dahan yang rindang, daun yangg hijau, bunga yang indah ataupun buah yang manis. Memang hebat akar bekerja tanpa pamrih, tanpa pengakuan, walau berada ditempat paling rendah namun ia tetap meberikan yang terbaik, walau ; batang, ranting, daun, bunga dan buah tidak sadar mereka ada atas kerja akar.

Dalam dunia pelayanan kita juga harus mengetahui maka bukanlah menduduki jabatan saja kita dapat melayani, atau dengan kata lain saya mengatakan bahwa ada orang yang melayani “di balik layar” : artinya ia bukanlah pengurus, tak terlihat, ia tidak pernah menonjolkan dirinya, tetapi walau demikian, ia melakukan pelayanan dalam hidupnya untuk memuliakan Allah serta bertanggungjawab.
Oleh itu, marilah lakukan saja pelayanan dan tanggungjawab kita sebagai panggilan umum kita. Tidak peduli pada posisi apa, dimana dan kapan, tetapi biarlah kita mengerjakan tugas panggilan pelayanan kita dengan segenap hati dan penuh dengan tanggungjawab, tetap berbuat meski tidak mendapat apresiasi dan selalulah rendah hati serta takut akan Tuhan.

Pelayanan itu adalah ibadah, dengan demikian pelayanan bukan sekedar upaya untuk sebuah prestise. Bagi kita pelayanan adalah panggilan untuk mempermuliakan Allah dan menghadirkan shalom Allah, oleh itu mari lakukan saja tugas kita dengan benar, karena kita memang orang-orang pilihan Allah yang dikuduskan dan dikasihi-Nya, untuk melakukan pelayanan.

Sifat pelayanan yang kita lakukan bersifat melayani dengan belas kasihan, kemurahan, kerendahan hati, kelemah lembutan dan kesabaran, selalu sabar terhadap yang lain, memiliki sikap pengampunan. Karena jiwa dan prinsip pelayanan seperti inilah yang akan mendatangkan kebahagiaan, sukacita dan kedamaian hati, oleh karena damai sejahtera Kristus memang memerintah dalam hati.

Demikian juga dengan tujuan pelayanan kita yaitu untuk menjadikan semua orang menjadi anak – anak Tuhan, satu tubuh dalam tubuh Kristus. oleh itulah kita wajib melayani dan melayani dengan sungguh serta bertanggungjawab. Dan setiap orang yang melakukan pelayanan demikian akan selalu mendapatkan hikmat yang datangnya dari Tuhan Allah.

Melayanilah dengan suka cita dan penuh ucapan syukur karena Tuhan Yesus dan selalu mengucap sebab oleh Dialah kita dapat melayani, Ia Allah adalah sang pemilik mandat dan pemberi mandat pelayanan kepada kita, oleh itu selalulah bersuka cita dan berdirilah teguh tanpa pernah goyah serta dengan memiliki semangat baru setiap saat, sebab kita tau, bahwa dalam persekutuan kita dengan Tuhan Allah, maka jerih payah kita dalam melayani tidak akan pernah sia – sia” ( I Kor 15 : 58, Kolose 3 : 12 – 17).

Melayanilah dengan bertanggungjawab, melayani dengan prinsip “AKAR” maka semua pelayanan itu akan menghasilkan hasil yang terbaik.

Amin.
Selamat PA – Mamre. PekanTuhan01 Sept 2015.

PA – Mamre “Gereja Eme Nande Man Kalak Si Tek” MZm 131 : 1 – 3

PA – Mamre 29 Juni – 05 Juli 2014

Tema     :  “Gereja Eme Nande Man Kalak Si Tek”

Ogen     :  MZm 131 : 1 – 3

Syalom.     

Menaken kata ibas PA-Mamreta enda secara singkat kuturiken man banta piga – piga kerna gerejanta GBKP dingen labo ateta ibas membanggaken gerejanta. Secara organisasi gerejanta GBKP menaken ibas zaman Zending nari maka gerejanta GBKP enggo hadir i tengah – tengah kegeluhen masyarakat/jemaat alu maba berita keselamaten ibas Yesus Kristus ras sekaligus maba perubahen nandangi kerina bidang kegeluhenta khususna man masyarakat Karo, umpamana ibas bidang pendidiken, kesehaten ras perekonomian. Ertina melala hal si enggo ilakoken gerejanta guna pembangunen kemanusian, siteridah ibas keberpihakenna nandangi kepentingen masyarakat/jemaat si ilayanina ras seh asa genduari tetap berusaha jadi pilar pembangunen kemanusian itengah – tengah kegeluhen masyarakat/jemaat silayanina, umpamana arah dahin si ilakoken Parpem GBKP, Alpha Omega, Panti Asuhen Gelora Kasih, YAPOS, Bank BPR, rsd. Bagepe ibas masa sigenduari maka gerejanta tetap jadi nande simehuli man kerina pengungsi Sinabung.

Secara kerohanian, gerejanta pe tetap berusaha menumbuh kembangken kerohanian jemaatna alu pengajaren teologi ras ibadah sibenar, alu pengarapen gelah ngawan niperpulungen la bengket kubas pengajaren sipapak ngidahperkembangen gereja sigenduari ija melala gereja si enggo “macam – macam”, si hanya ndarami keuntungen arah jemaatna guna kepentingen pengurus ntah orang – orang tertentu saja ibas gereja. Ngidah sie kerina kita selaku ngawan bas gerejanta patut kel sikataken bujur man Dibata erkiteken gerejanta GBKP tetap erdalan ibas kebenarenNa sebage gereja. Lit memang piga – piga pelayanen gerejanta sikurang sempurna tapi sie kerina labo ngatakenca gerejanta la berhasil jadi “nande” guna anggota jemaatna, emaka bicara lit berita “simemburukken gereja” alu hasil penelitian ntah kai gia gelarna, maka kerina sikurang sempurna e, mungkin jadi erkiteken kurangna sikap kepeduliannta, keseriusenta nandangi gerejanta. Sebab lit ka nge memang si idah anggota gereja ngeranai ras mandangi ngenca pirasatna, mulai kin arah programna seh kubas sierdahin gereja (Pdt/Pt/Dk/Pengurus PJJ-Kategorial) kerina ipandangina tempa lalit simehulina si ilakoken gereja. Tapi mamang ka ateta, enggo pe la iakapna cocok tapi tetap denga nge je ia lalap pas bagi kambing Kalameka ncedai karang ngenca pengkebetna. Me si mehulina min ndai adi keleng kin atena gerejana me labo min mandangi saja pirasatna, tapi uga ia ikut muat bagin ibas mendukung dahin gereja. Ku singetken enda man banta erkiteken gerejanta GBKP situhuna enggo berhasil ibas ndahiken dahinna sebage gereja, gia lit kurang ntah lebihna eme siman pekenanta ras – ras kulebe enda selaku kalak singergai ras engkelengi gerejana.

Tema PA ras tujun Mamreta sendah enda ningetken ras sekaligus pengajuk man banta uga seharusna kita selaku warga gereja (Mamre) gelah lebih ngergai ras ngkelengi gerejanta GBKP sebab ije kap kita jadi ngawan niperpulungen ni Tuhan Yesus. Guna banci kita lebih ngergai ras engkelengi gerejanta, mari tole erlajar kita arah kesaksian Daud rikutken bahan PA-Mamreta Mzm 131 : 1 – 3

• Mzm enda eme pertoton Daud man Tuhan ibas ia nggo nggejabken kerna lias ras keleng atae Dibata nandangi kegeluhenna sierbahanca ia jadi sekalak si sukses. Ibas pertotonna e Daud mindo man Tuhan gelah ula min ia sempat jadi kalak si meganjang rukur entah pe jadi kalak simegombang erkiteken keberhasilenna. Ertina ibas pertotonna e Daud nggejapken maka Tuhan nge simemelihara kegeluhenna si erbahanca ia jadi kalak si sukses (ay. 31)

• Ibas penggejapenna iarak – arak Tuhan Daud pe muji Dibata ibas pertotonna alu ngataken “….enggo puas dingen dame pe kuakap, bali ras sekalak anak, dame iakapna iampun nandena, bageme pusuhku damena”. Daud nggambarken dirina ikawali ras itemani Tuhan bali ras sekalak nande simperdiateken kerina kegeluhen anakna alu keleng ate situhu – tuhu (ay. 32).

• Ibas kerina kiniulin Tuhan si enggo ialamina Daud pe njadiken pengalamen kegeluhenna ras Tuhan e jadi sada kesaksin ras sekaligus ngajuk kerina kalak Isarel gelah tetap ernalem ras tetap setia man Tuhan. (ay. 33).

Bageme Daud nggejabken pemeliharan Dibata nandangi geluhna ras naksikenca man Tuhan Dibata engekelengi kalak siernalem man baNa, alu mereken dameNa situhu – tuhu ibas kerina dampar kegeluhen ras naksikenna ibas kerina kegeluhenna. Ibas kegeluhenta pe pengalamen Daud enda banci jadi ibas kegeluhenta alu ndatken pasu – pasu Tuhan si simpar, emaka ibas kegeluhenta pe tetaplah kita tek man Tuhan singasup mereken kedamen situhu – tuhu man banta. Jenari ibas engkelengi gereja mari siusih salah sada sifat relegius situhu – tuhu ia ngergai ras engkelengi rumah pertoton sebab rumah pertoton emekap lambang kehadiren Dibata i doni, emaka ibas praktekna erkiteken kelengna ate kalak Jahudi nandangi rumah pertoton emaka kuja pe kalak e lawes tetap ingetna rumah pertotonna dingen ibas tep – tep ertoto maka la ia pernah lupa notoken rumah pertotonna si enggo menyatu ras jiwana, gambaren penyatuan jiwa e bali ras dua kalak singenan, adi lenga jumpa lenga atena malem, emaka katawari pe lit perasaan tedeh guna jumpa rassa bageme perasaan kalak jahudi nandangi rumah pertoton. Ibas kegeluhenta selaku Mamre si enggo nggeluh ibas kegeluhen si mbaru maka sifat kegeluhen religiusta pe enggo melebihi sifat religius kalak Jahudi terlebih – lebih ibas kita ngergai ras engkelengi gerejanta, terlebih – lebih si idah uga gerejanta GBKP tetap jadi nande simehuli man kerina jemaatna/masyarakat, ibas njagai pertendinta gelah tetap ersada ras Dibata bagepe ngelakoken pelayanenna ibas ngelai kegeluhen jemaatna/masyarakat bagi singena ate Tuhan. Emaka mari kerina kita Mamre siergai ras sikelengi gerejanta alu erkarya ibasa seh maka kerina pagi jemaatna/masyarakat ermalem ate ibas kehadiren gerejanta GBKP.

Amin

Rantauprapat 30 Juli 2014. 

Salam

Selamat er PA – Mamre

Salam ras sentabi man banta kerina ibas kurang lebihna tulisen enda. Tulisan enda labo jadi bahan baku Mamreta-nta, tulisen enda hanya bersifat diskusi man banta ibas Blog enda. Bimbingen Mamre sibaku tetap si ipedarat Moderamen GBKP si isikapken Mamre Pusat.
Bjr Tuhan simasu – masu.

PA – Mamre : “Pebadiakenlah Wari Sabat” Kel 20 : 8 – 10.

PA – Mamre Tgl 15 – 21 Juni 2014

Ogen : Kel 20 : 8 – 10
Tema : “Pebadiakenlah Wari Sabat”

Syalom.
Umumna genduari wari “sabat” (minggu) imaknai sebage alu erbage – bage makna, mekatep sibegi ntah ibelasken ibas status media soaial FB, Tweet, BBM, rsd, eme “HAPPY SUNDAY”, banci jadi sulit kita memahami kai situhuna makna ungkapen e, sebab ungkapen banci imaknai alu pengertin sebage seruan : wari enda wari Tuhan, ungkapen selamat beribadah ras banci jadi hanya mengungkapken selamat hari minggu alu makna hari libur.

Tema PA- Mamreta ibas minggu enda “Pebadiakenlah Wari “Sabat” sebage wari si labanci lang si ergaken ibas kegeluhenta selaku kalak kristen, sebab e pedah si ipeseh Dibata ibas pedah si pe 4 ken ibas pedah 10. Guna lebih jelasna mari sigargari – gari kai si imaksudken Dibata mereken pedah enda man kalak Israel ras uga kalak Israel memaknai pedah e ras mbera banci si aplikasiken ibas kegeluhenta sigenduari, terlebih kita selaku Mamre Imam i tengah – tengah jabunta si arus jadi teladan ibas kerina kegeluhen kiniteken.

•  Kalak Israel ibas keagamanna memaknai “sabat” sebage wari Tuhan erpalasken pedah si pe 4 ken ibas 10 pedah Dibata : “Inget wari sabat maka pebadiaken kam e. Enem wari banci kam erdahin, maka idungi kam siman dahindu kerina, tapi wari sipepituken eme kap sabat ni Yahwe. Dibatandu ; ijem ola dahi siman dahindu, ola kam, ola anakndu dilaki ntah anakndu diberu, ntah asuh – asuhendu, tha kalak pertandang si nibas kerabangenndu pe ola. Sebab ibas enem wari enggo itepa Yahwe langit ras doni, ras lawit ras kasa kai isisna ; jenari ngadi Ia ibas wari pepituken. Emaka i pasu – pasu Yahwe wari sabat, ipebadiakenNa”. Erpalasken pedah enda me wari “sabat” tuhu – tuhu i ergaken ras i pebadiaken kalak Israel. Pemahamen kerna wari Tuhan e pe lebih iergaken sebab kalak Israel memahami maka Tuhan sebage pencipta pe ngadi erdahin kenca Ia dung nepa doni ibas wari pepituken ras mpebadiaken wari si pepituken e (Kej 2 : 2 – 3). Ibas pemahamen sienda maka ibas konteks PL wari “sabat” imaknai waktu guna ersembah man Dibata (Kel 20 : 10 – 11 ; Ul 11: 13 ; 15 : 14 ; Kel 2 : 25).

• Adi si perdiateken isi pedah si pe 4 ken enda, sisi kemanusian pe jadi sada pertimbangen eme gelah manusia banci istirahat kenca 6 wari ia erdahin (Kel. 23:12; Ul. 5:14). Adi sikaitken kubas sejarah kegeluhen kalak Israel maka pemaknaan enda ngidah kegeluhen bangsa Isarel sebage bangsa budak i Mesiar si arus erdahin tep – tep wari alu la erngadi – ngadi lebih kurang 430 thn tanpa istirahat dingen la banci ersembah man Tuhan. Alu bage pedah si bereken man kalak Israel enda sekaligus ngingetken kerna kegeluhen kalak Israel sindatken kiniseran i Mesir (Bd. Kel 20 : 2 ; Ul 5 : 15).

• “Sabat” pe imaknai sebage wari si berbeda ras wari – wari sidebanna, eme sebage wari si khusus gelah banci lebih fokus memusatken diri guna mpemuliaken Tuhan ibas kegeluhen kerohanian (Kel 20 : 9 – 11 ; bd. Kej 2 : 2 – 3 ; Yes 58 : 13 – 14).

• Peribadahen ibas wari “sabat” sekaligus ncidahken kekhususen ntah mpetandaken bangsa Israel sebage bangsa sikerajangen Dibata (Kel 13 : 13).

Bageme gambaren kerna pentingna wari “sabat” ibas kegeluhen kalak Israel, terlepas kedungenna bangsa e memahami kerna wari “sabat” e secara harfiah, tapi arus sinen makna ibas kalak Israel ngergaken wari “sabat” sebage wari Tuhan ras tuhu – tuhu mpebadiaken wari e sebage wari Tuhan. Ibas PB memang si idah Yesus mbebasken kerina pengikutna alu tekanen kerna pearturen wari “sabat’ kalak Jahudi secara harfiah (Mat 12 : 1 – 8, Mrk 2 : 23 – 28, Luk 13 : 10 – 17) tapi perdiatekenlah maka Yesus labo menghilangken makna “sabat” e tapi hanya mengalihkenca kubas aktifitas silebih komprehensif bagi singena ate Tuhan sebab kalak Jahudi enggo salah menggunaken wari “sabat” guna kesombongen rohani.

Alu bage maka prinsip – prinsip “sabat” arus tetap berlaku man kalak kristen sebab e ketetapen Dibata kap (Kej 2 : 3 ; Kel 20 : 11 bd. Mrk 2 : 27) si iitetapken sebage wari si sibadia si iarus iergai kalak Israel (Yeh 20 : 12). Jadi sue ras temata sendah enda “Pebadiakenlah Wari Sabat” rikutken kerina pemahamen si enggo isingetken ndai, maka ibas kegeluhenta sigenduari pe, lalit alasenta guna la mpebadiaken wari “sabat”, labo ibas erti pemahamen harfiah kalak Jahudi tapi lebih memahamisa maka “sabat” si ibereken Dibata man banta eme waktu simeherga kel guna ngingetken man banta maka Dibata enggo mereken wari man banta guna banci ersembah man baNa gelah banci lebih sitandai Dibata simada kerina kegeluhenta. Emaka entah kai gia alasenta sedekah enda sicubakelah merenugkenca ulang. Ula siban alasen la sempat ku gereja entah ngikuti kerina kegiaten gerjeranta hanya alu alasen – alasen praktis ras si ingetlah maka kita enda tinepa Dibata kap, si itepa guna kemulian Tuhan. Erkiteken sie maka kai pe si ilakoken ibas geluhta arus e mpemuliaken Tuhan terlebih beribadah ibas ibas wari “sabat” (Minggu) sebab e memang hukum si arus idalanken.

Penutup Ibas PA-nta enda, lit 3 contoh percakapen si kusingetken man banta kerina ras contoh enda situhuna enggo rusur sibegi ibas percakapen sehari – hari kerna wari “Sabat” eme :

Contoh si pemena.
Moukup   :  Uga e Mbergeh ….. kede kuidah kam lalap, la sendah kam ku juma ?
Mbergeh :  Sendah lang nak kop … sabat me, erbih aku Medan nari kerja – kerja ngadi lebe.
Ibas percakapen enda “sabat” lebih iertiken kubas pengertin wari istirahat.

Contoh si peduaken.
Cinur   :  Eta ku gereja Lancip, wari “sabat” sendah!
Lancip :  Aku sendah la ku gereja Cinur, enggo mbuesa “sabat-ku” sada minggu enda
Ibas percakapen enda “sabat” imaknai sebage wari/waktu si enggo terbuang.

Contoh si peteluken.
Longge :  Pagi enggo wari “sabat” me ku gereja kita pagi Pelcik ?
Pelcik    :  E .. ue  Longge, gereja kita pagi, sebab pagi wari ni Dibata !
Ibas percakapen enda “sabat” imaknai sebage wari si badia, wari ersembah man Dibata.

Ibas 3 contoh enda, kenca kita er-PA Mamre sendah ….. siapai pemahamenta ?

Amin.
Rantauprapat 17 Juni 2014.

Salam

Selamat er PA – Mamre

Salam ras sentabi man banta kerina ibas kurang lebihna tulisen enda. Tulisan enda labo jadi bahan baku Mamreta-nta, tulisen enda hanya bersifat diskusi man banta ibas Blog enda. Bimbingen Mamre sibaku tetap si ipedarat Moderamen GBKP si isikapken Mamre Pusat.
Bujur Tuhan simasu – masu.

 

PA Mamre Efesus 5 : 1 – 20

PA Mamre Tgl 25 – 31 Mei 2014

Ogen : Efesus 5 : 1 – 20
Tema : Anak Terang
Tujun : Mpersingeti Mamre gelah nggeluh bagi anak – anak terang

         Keselurehen Efesus 5 menuntut kita gelah nggeluh ibas panggilenta sebage anak- anak Dibata siberbeda ras kegeluhen anak – anak doni sila nandai Kristus. Tuntuten sienda me si isehken Paulus man kerina kalak kristen i Efesus, sebab ibas paksa sie kegeluhen kalak Efesus tuhu – tuhu enggo erdosa iteruh pengaruh kuil dewi Atermis, simelegalken cara kegeluhen bebas.

Erpalasken Ef 5 : 1 – 20, lit 4 hal si kusehken, guna menjelasken tema ras tujun PA mamrenta sekali enda eme  :

1. Paulus menuntut kegeluhen kalak kristen Efesus aminna gia minoritas harus tetap bertahan ras mereken contoh/teladan man kerina kalak Efesus ibas kegeluhen simehuli. Eme maka menaken pasal 5 enda Paulus memperjelas status kalak kristen i Efesus alu ngatken maka kalak e enggo itebus erkiteken keleng ate Kristus, tebusen si ibayar Kristus alu ngendesken kesahNa jadi sada persembahen si merim singena ate Dibata. Erpalasken penebusen e, maka kalak Kristen, arus ngataken bujur man Dibata alu nggeluh badia sijadi ibadahna situhu – tuhu (ay. 1- 2).
2. Lit kebiasan si enggo semal ilakoken kalak Efesus eme erlagu la mehuli, erlua – lua, rangap, melasken cakap caram, cakap silang – lang entah cakap sikemali, nembah man berhala. Cara kegeluhen sibage rupana pe enggo menjangkiti kegeluhen kalak kristen ibas paksa sie, emaka alu tegas Paulus ningetken man kalak kristen Efesus, maka kalak si ngelakoken sibage rupana la dat bagin ibas kinirajan Dibata (ay.5b). Paulus ngataken sie gelah kalak kristen i Efesus meteh, maka Tuhan ernembeh ate kel man kalak singelakoken perbahanen siertentangen ras sura – sura Tuhan, sebab ibas paksa sie kalak bersikap persuasif (menjadi orang yang tidak mempunyai daya juang untuk melawan dan akhirnya lebih banyak mengambil sikap setuju atau tidak mampu lagi memberikan tanggapan). Bandingkenlah ras cara kegeluhen kalak kristen sigenduari (ay. 3 – 7)
3. Paulus nuriken maka kegeluhen anak – anak terang la banci passif tapi harus aktif jadi anak – anak terang si bersinar menyataken kebenaren Tuhan, menelanjangi (egleso : membuka borok/ luka lalu cuci hingga bersih) kerina kegelapen ras menyataken jati dirina itengah – tengah doni si dem alu kegelapen. Ibas sie Paulus nuriken uga cara nggeluh ibas terang e alu ngataken “Ola kam ikut ibas perbahanen kalak sigelap si sia – sia, tapi bukakenlah perbahanen – perbahanen sibage” (ay.8 – 14).
4. Paulus pe menekanken kesadaran diri sebage anak – anak Tuhan emaka nina “medakkenlah”(ay.14b). Pengertin si imaksudken Paulus ijenda labo bagi kalak sikurang IQ tapi ningetken man kalak kristen sienggo meteh undang – undang Tuhan gelah ula bodoh tapi arus pentar makeken wari – wari, mpergunaken kesempaten alu mehuli alu ercakap – cakap make Mzm, ngendeken enden pujin man Tuhan alu dem pengataken bujur, sebage tanda kalak si enggo sadar ibas tunduhna erbahan dosa (ay.15 – 20)

        Temanta ngatakenca kita enda “Anak Terang” alu tujun “Mpersingeti Mamre gelah nggeluh bagi anak – anak terang”. Isi tema ras tujun PA-nta enda eme uga kita banci menyataken terang man kerina jelma ras uga kita banci ipake Tuhann erbahanca gelah kalak sideban pe jadi terang, sebab labo lit ertina kita jadi terang adi la menghasilken kai pe.

“JIKA HIDUP INI ADALAH MILIK KRISTUS
MAKA BIARKANLAH IA MENGUBAH KITA SEPERTI YANG IA MAU”

R.Prapat. 26 Mei 2014
Selamat ber PA-Mamre.
Salam ras sentabi man banta kerina ibas kurang lebihna tulisen enda. Tulisan enda labo jadi bahan baku Mamreta-nta, tulisen enda hanya bersifat diskusi man banta ibas blog enda. Bimbingen Mamre sibaku tetap si ipedarat Moderamen GBKP si isikapken BP Mamre Pusat.
Bjr Tuhan simasu – masu.

PA MAMRE Roma 12 : 12

PA Mamre Tgl 18 – 24 Mei 2014. RG. GBKP. Rantauprapat.
Ogen : Roma 12 : 12
Thema : “Nggeluh ibas pertoton”
Tujun : Gelah Mamre Jadi Binangun pertoton i tengah jabu

BERDOA ITU TIDAK BOLEH PART TIME
JUGA TIDAK BOLEH SOME TIME
APALAGI NO TIME
BERDOA HARUS FULL TIME
KALAU BISA OVER TIME

Bagenda me rusur ibelasken uga pentingna kerna ertoto sebab ibas kita ertoto sisadari maka Tuhan me sebage sumber kegeluhen, sinatang, simemelihara kegeluhenta, alu kata sideban ibas kita ertoto sicidahken me kita kalak sitek si tuhu – tuhu mutlak bergantung man Tuhan. Memang ibas kinata kegeluhenta lit si idah kalak si lanai ia ertoto man Dibata dingen tempa – tempa lanai iakapna ia perlu Tuhan, sienda banci jadi, erkiteken :

• Kerina keperlunna enggo lit ras iakapna idatna alu usahana sendiri.
• Bicara lit pe perbeben entah persoalen ibas kegeluhenna banci iakapna idungina alu kemampuan ras logika silit ibas ia, alu cara erlajar arah pengalamenna entah erlajar arah pengalamen kalak sideban, alu menganalisa arah aspek logis entah la logis, mungkin entah la mungkin.
• Enggo iakapna bias talenta ras pemeteh (Keterampilen) sibanci erbahanca ia sukses ibas kegeluhenna, emaka ertoto man Dibata hanya sebage uruten terakhir entah pelengkap ibas agenda kegeluhenna.

Bahan PA Mamreta sekalenda, Roma 12 : 12 enda nuriken kerna praktek kegeluhen kalak Kristen ibas kegeluhenna sitep – tep wari sebage wujud persadanna ras Dibata. Paulus sebage penulis surat ibas Roma 12 : 12 ngataken “Meriahlah atendu i bas kam erpengarapen, megenggenglah kam i bas kiniseranndu, janah ertotolah kam man Dibata la erngadi-ngadi”. Kata enda isehken Paulus erkiteken ia sendiri enggo ngenanami ulih persadaan ras Tuhan, ibas ia ngenanami kiniseran igejapna ka pe ulih gegeh pertotonna man Dibata, sebab Paulus tek maka ia labo nembah man Dibata si hanya lit ibas “Ide” bagi si igambarken ibas agama – agama sideban, tapi ia man Dibata sienggo encidahken diriNa man manusia, sinebusi ras sinampati kerina manusia (Imanuel). Gendekna ibas Roma 12 : 12 enda Paulus ngataken ras menyaksiken “ber–relasi” man Dibata ibas pertoton seh kel pentingna sebagai sumber kekuatan/fondasi utama.

Roma 12 : 12 oratenta sendah enda ilatar belakangi ija Paulus ras kerina kalak kristen ngenanami erbage – bage kiniseran ibas ngikutken Yesus ras ibas situasi sie me Paulus ngajuk kerina kalak kristen gelah tetap nggeluh ibas keriahen ukur, erpengarapen ras ertoto. Mungkin secara logika nasehatna enda secara manusia la teraloken, la masuk akal, sebab ibas ngenanami kiniseran Paulus tetap ngajuk gelah tetap ermeriah ukur, erpengarapen ras ertoto sebagai alu la erngadi – ngadi, banci jadi ibas paksa sie kalak Roma simbaca tulisen Paulus enda lucu iakapna entah pe ikatakenna Paulus kalak adon silanai logis cara berpikirna, me seharusna min ndai nina Paulus ; ibas kerina kiniseran sialamindu genduari enda, aku pe turut prihatin ras erceda ate, bagi caranta si enggo biasa sibelasken ibas mpegegehi temannta ibas kiniseranna ? Tapi la e si ibelasken Paulus, ia ngataken hal sikontradiktif ras keadaan, Paulus hadir sebagai motivator guna mereken pergegeh ras penghiburan man ibas kerina kiniseran si i hadapi kalak kristen sebab ia sendiri enggo nggejabken uga kuasa Tuhan nampati ia ibas kerina kiniseranna, mulahi ia ibas penjara nari (Perb 16 : 26).

Itengah – tengah kegeluhenta sigenduari enda pe banci jadi melala kel tantangen kegeluhen siman hadapenta subuk e ibas bidang ekonomi, sosial, politik ras litna persoalen pribadi itengah jabu, sierbahanca semangat kegeluhenta kendor, bene pengarapen ras lanai siakap meriah geluh, tapi ingetlah sendah kai si ikataken Paulus Roma 12 : 12 enda ertoto man Dibata e jadi sumber utama pertolongenta, ermeriah ukur amin susah, erpengarapen ras ertoto alu la erngadi – ngadi.  ibas hal enda Martin Luther pernah ngataken maka pertoton eme “Nafas Hidup Orang Kristen” emaka nina ; kai pe si irencaken ibas kegeluhenta babalah lebe ibas pertoton sebab eme gegehta guna ndalani kegeluhen i doni enda.

Temanta sendah “Nggeluhlah Ibas Pertoton”, alu pemahamenku maka tema enda ningetken man banta uga kita banci mengutamaken pentingna pertoton ibas geluhta. Ibas wari – warinta adi litlah waktuta guna erdahin, nonton TV, mbaca Koran, rekreasi, rsd, maka lit ka lah min siban waktuta “ber–relasi” ras Dibata si khusus siniaturken ibas geluhta, alu kata sideban si kurangilah cara ertoto man Dibata ibas waktu ”terdesak ras tiba – tiba”, sebab pertoton labo hanya guna ndatken ulih ibas pertotonta, tapi lebih asa sie maka pertoton erbahanca lebih sitandai Tuhan si memelihara kegeluhenta ras menyadari ketergantungenta man Dibata (ibas sienda aku rusur ningetken “Kita nge si perlu Tuhan labo Tuhan si perlu kita).

Tentu, ibas kita memahami uga pentingna pertoton ibas kegeluhenta selaku kalak kristen, maka Mamre pe iarapken mampu ndalankenca ibas geluhna bagi teladan Paulus, bagi tujun PA Mamreta sendah enda “Nggeluh ibas pertoton gelah Mamre Jadi Binagun Pertoton ibas Jabu” ibas erti kata Mamre-lah jadi pemimpin ibas kerina simehuli itengah jabunna, memilki kerohanian si mehuli, nggeluh ibas pertoton, me bage nge ninta ….. kita Mamre ?
Amin.

Salam
Selamat er PA – Mamre
Salam ras sentabi man banta kerina ibas kurang lebihna tulisen enda. Tulisan enda labo jadi bahan baku Mamreta-nta, tulisen enda hanya bersifat diskusi man banta ibas Group enda. Bimbingen Mamre sibaku tetap si ipedarat Moderamen GBKP si isikapken Mamre Pusat.
Bjr Tuhan simasu – masu.