Suplemen PJJ GBKP 28 Juni – 4 Juli 205. Kuan – kuanen 20 : 13 ; Kej 3 : 17 – 1 “Etika Kerja Kalak Kristen”

Suplemen PJJ GBKP 28 Juni – 4 Juli 205.

Ogen : Kuan – kuanen 20 : 13 ; Kej 3 : 17 – 19
Tema : “Etika Kerja Kalak Kristen”

Shalom.
Erdahin (Kerja) ibas pandangen kalak kristen eme “manifestasi” ibadahna ras sangat mendasar (esensial), emaka ibas kita erdahin sekaligus me kita sebage kalak kristen menghayati (menginternalisasiken) nilai – nilai kekristenenta, ertina nilai – nilai kekristenenta la hanya teridah ibas wilayah spiritualitas saja (bc. ritual ibadah) tapi teridah pe secara konkret si iwujud nyataken ibas kegeluhen dunia kerja.

Etika iertiken sebage norma – norma, nilai – nilai, kaidah – kaidah, ukuran dan tingkah laku yang baik (moral), alu bage “Etika” nampati ras ningeti kita ibas muat sada keputusen ibas perbahanen – perbahanenta, kai sibanci ilakoken ras kai si labanci ilakoken, mehuli ntah la mehuli, rikutken aturen, rsd. Emaka adi kita ngerana kerna “Etika Kerja Kalak Kristen” kita ngerana kerna etika pendahin kalak kristen si sesuai ras nilai – nilai kekristenen, ija ibas pendahin e teridah kemulian Dibata (bd. Kol 3 : 23).

Kuan – Kuanen 20 : 13 ibas oraten sipemena ibas PJJ – nta enda ningetken kerna kerna mentalitas kalak sierdahin bagepe hasil produktivitas kalak sierdahin. Isingetken, kalak si medem saja jadi kalak musil me, janah kalak si mejingkat tercukupi me kebutuhenna. Pengertin kerna kai si imaksudken penulis Kuan – kuanen enda tentu enggo me jelas man banta, tapi amin bage gia tetap si persingeti dirinta, gelah alu bage tetap lit semangat kerjanta janah pe ningeti dirinta alu makeken waktu ras wari – wari alu mehuli.

Tema PJJ – nta sekali enda “Etiak Kerja Kalak Kristen” tentu ibas pengarapen tema enda banci njemba ntah ningeti kita kerna prinsip – prinsip pendahin ibas kalak kristen, sue ras siniarapken Dibata. Piga – piga hal sibanci isingetken man banta ibas prinsip e eme :

• Sebage kalak kristen kita tentu arus mengimani, erdahin eme unsur hakekat manusia si itepa rikutken gambar Dibata (Kej 3 : 17 – 19).

• Erdahin eme perentah si isehken Dibata (bd. Kej 3 : 19), alu bage erdahin pe simaknai sebage perentah si la banci itogan (Bd. Kel 16 : 23 – 30, 23 : 12, 34 : 21, 35 : 2, Im 23 : 3, Ul 10 : 8).

• Mat 24 perumpamaan Yesus kerna “Talenta” terkandung pengertin, kita idilo gelah tetap erdahin alu ertanggung jawab dingen setia ibas kerina panggilen pendahinta (bd. Roma Rom 12 : 11, II Tes 3 : 12).

• Ibas erdahin sekaligus me kita mengembangken dirinta ku arah si lebih mehuli, sebab arah erdahin si dat pe hasil sincukupi kerina keperlun geluhta, hal sie me si ikataken Paulus ibas Ef 4 : 28 “Kalak si nangko gel – gel nari, o lanai ia nangko. Erdahinlah ia alu mehuli guna ncariken keperlunna, janah gelah lit ibas ia guna nampati kalak si ibas kepiceten”. Alu bage payo kel me si ikataken Kuan – kuanen 20 : 13 “Adi dekahen kam medem, musil me kam, kalak mejingkat cukup me dahinna”.

Tema PJJ-nta “Etika Kerja Kalak Kristen”. Tema enda encidahken uga seharusna kalak kristen ibas ndahiken – dahinna ibas terang kata Dibata, alu tujun kerina pendahin kalak kristen ncidahken kemulian Dibata. Emaka ibas “dunia kerja” si cidahken dage, kehadiren kalak kristen mengubah cara kerja, mentalitas kerja, prinsip kerja ibas dunia kerja i sekelewetna.

Ibas dunia kerja kita pe la terpengaruh nandangi godaan doni, tapi lebih mengutamaken ketekunen ras kejujuren, sebab erdahin man banta merupaken ibadah (Yoh 5 : 17), janah tetap semangat ras alu meriah ukur, gia sekali dahin e melelahken jiwa, melelahken badan ras marilah tetap mengedepanken “Etika Kerja Kalak Kristen” sebab Tuhan masu – masu kalak situtus ras singelakoken pendahin alu erkemalangen man Dibata ras jadikenlah kerina pendahinta sebage karya yang indah ibas mata Tuhan ras karya si erguna man kerina manusia.

Amin.
Pekanbaru 25 Juni 2015.