Suplemen PJJ GBKP 30 Agts – 5 Sept 2015. Mazmur 104 : 10 – 18. “Tinepa Si Erkawiten”

Suplemen PJJ GBKP 30 Agts – 5 Sept 2015.

Ogen : Mazmur 104 : 10 – 18.
Tema : “Tinepa Si Erkawiten”

Shalom

Lit piga – piga pokok pikiren si penting ibas Mazmur 104 enda eme :

• Secara keseluruhen Mzm enda 104 enda nuriken kerna hubungen Dibata ras kerina tinepaNa. Ibas pengertin sie, maka pe Mzm pe sekaligus nuriken maka kerina tinepa tetap la banci la lepas ibas sinepasa nari, erkiteken Ia me sierkuasa nandangi kerina kai si itepaNa.

• Nuriken man banta cara memahami kemulian Dibata la hanya arah ibadah si bernuansa rohani ntah ibas tanda – tanda sengget saja, tapi pe kemulian Dibata e banci si idah kai si enggo itepaNa.

• Encidahken litna keterkawiten (baca : hubungen) sada ras sidebanna ibas kerina tinepa Dibata, dingen keterkawiten e erbahanca kerina tinepa ndai membutuhken sada ras sidebana, si igelari kita alu istilah “simbiosis mutualisme” ibas pelajaren Biologi.

• Encidahken cara kerja Dibata situhu – tuhu sempurna ibas Ia nepa tinepaNa alu mehuli, si teridah ibas kerina ulih si itepa.

• Encidahken man banta, Dibata tetap nge memelihara kerina tinepaNa. Emaka ibas pengangkan kerna pemeliharan e, manusia arus ngataken bujur man Dibata, erkiteken manusia me satu – satunya “penikmat” ulih kerina tinepa Dibata.

• Ibas manusia sebagai “penikmat” kerina tinepa Dibata, manusia pe memilki tanggung jawab ras makeken fungsina guna njagai, ngusahai ras memelihara kerina tinepa Dibata e alu mehuli ras ertanggung jawab man Dibata (bd. Kej 1 : 28).

• Dage guna kiniulin kegeluhen manusia e sendiri maka manusia la banci lang tetap memelihara kerina tinepa Dibata alu engkelengi kerina tinepa e, alu cara – cara sibanci ipraktekken menaken ibas dirinta nari seh kubas mendukung program – program pemerintah guna menjaga kelestarian lingkungan hidup, sebab dikune lit sada lah ibas tinepa siceda tentu pe kerina nge imbasna, erkiteken tinepa si lit e memang erkawiten sada ras sidebanna.

• Guna njagai, ngusahai ras memelihara tinepa Dibata e, lanai banci terjeng sicakapken saja ngenca ibas jaman ras ngidah kegeluhen si lit genduari enda. Harus siakui memang maka “fungsi” guna njagai, ngusahai alu mehuli ras memelihara doni enda la sidalanken alu mehuli siteridah arah sikap manusia si terlalu eksploitatif ras destruktif si ilakoken alu sengaja ntah alu la sengaja. Sekedar informasi maka lit 6 masalah besar kerna lingkungen hidup ledaken penduduk dunia sicukup pesat, menipisnya sumber daya alam, perubahen iklim secara global, kepunahan beberapa tumbuhen ras hewan, cedana habitat alam, peningkatan polusi ras kemiskinan.

• Alu bage, perlu kel dage kesadaren ras pengendalian diri si tinggi ibas kita nari, terlebih kita sebage kalak kristen. Sebab kita memang mengakui kita bersatu kap ras alam, erkiteken kita sendiri pe itepa Dibata ibas taneh/alam nari.

• Penutup : Alam ras lingkungen hidup ibereken Dibata man manusia gelah ipergunaken, imanfaatken guna menopang ras kesejahtraan kegeluhen manusia, alu kata sideban, doni enda itepa Dibata man manusia alu fungsi ekonomis eme guna memenuhi kebutuhen nggeluh kerina manusia ras kerina ciptaan si lit (ekosistem). Alu bage dage ertanggung jawablah dage kerina manusia khususna kita kalak kristen si memiliki nilai ras pemahamen si lebih kerna tugas ras tanggung jawabta sebage pengelola doni enda alu rumusen 4 pola sirusur ibelasken guna kiniulin kegeluhen manusia ras kerina tinepa si lit eme : “repent”, “restraint”, “respect”, “responsible” (ertobat, menahan diri, menghormati ras bertanggung jawab) sikap si 4 hal enda me sebage ibadahta si terimplementasi secara bertanggung jawab ibas kegeluhen sinyata.

Bujur ras mejuah – juah, selamat er PJJ ras selamat njagai kerina tinepa Dibata alu tuhu nggeluh erkemalangen man Dibata.

Pekanbaru. 30 Agts 2015.